1
of 1
1
of 1

【慳左去邊?】多間銀行承諾MPF減費 幫打工仔慳2億

May 25, 2018

文:小富婆

 

初出茅廬做打工仔,一出糧就要供5%到強積金(MPF)戶口,自然心有不甘,明明可以將這筆款項用作投資、旅行,甚至買樓,點解要強制性供款?積金局眼見公眾對整個制度有所期望,昨與14家MPF受託人簽訂《強積金受託人管治約章》,受託人承諾會落實良好管治架構,部份更承諾減費。自從預設投資策略法例前年通過後,至今年4月底,已有93個基金減費,包括匯豐銀行及恒生銀行(00011),預計可幫打工仔慳2億。

 

話就話減費,但打工仔一樣要供入息5%,2億巨額慳左邊?積金局營運總監及執行董事羅盛梅透露,現時有多家受託人正進行基金合併,或簡化投資架構,此舉有助減低營運成本,預留更大的減費空間。簡而言之,基金節省了2億行政費,將更多資金放在實際投資上,等大家退休可以「袋多D」。隨着強積金資產不斷增加及更多電子化的應用,相信未來仍有減費空間,對打工仔來說,未嘗不是一件好事。

 

強積金的原意本是保障香港市民在退休後有「三餐溫飽」,但當很多年輕人都活在貧窮線下,連三餐都是問題,又談何未雨綢繆?

 

圖片來源:PEXELS


Load More